مـا بـقلبه للسعــاده مكــان

\\

يـاعـلي لا نشــدوك إش قصـته مـنطوي
قـلهم مـا بـقلبه للسعــاده مكــان

اختلـف عقب ماهو كان شخص سـوي
وانحـرف عقب ماهو بقمـه الاتـــزان

ماهم اللي يقـولون البقــى للقـوي…!!
لو تراهنت معهم كنت كسبت الرهان

والله انــي قـوي .. لاشـك ماتســتوي
قـوه مـع خيـانه من عطـاك الامـان

امـس طـاح الوفى من دون صـوت ودوي
طيحه ماسمعها الا الزمن والمكــان

يوم جتنــي من اقرب صــاحب تلتوي
كل شــي تحطم في عيوني وهــان

طعنــه من خوي في زمن فوضــوي
لا كتمها خفـــوق .. ولا نطقهــا لســـاان

قبلها لــي خفوق صادق يحـــتوي
نص كلـه وفــا ونصه الاخر حنـــان

عقبها كن وسطه ذيب غــدر يـعوي
منه بيض النوايا استاحشــن يافلان

بيض الله وجه الموقف الملتـوي
يوم بين رفاع ويوم بين طمــان

ياعـــلي كـن رجلي في جليب تهوي
غشني جالها ماكنت اظنه دفـــــــان

غلطتي دنيتي ماعشتها فهلوي
كان ماخانت الرومله يدين الحصـان

ياعلي شفت طعنات الخوي للخوي
مالها بالوصووف الا طعون الزمـــــان

آآآآه.. آآآه .. وان جتك طعنه من ايدين بدوي
مابقى للمراجـــل في زمنا امــــــــان

\\

__________________